(E përditësuar në 23:54) - Suedia është ndalur në çerekfinale të Kampionatit Evropian për futbolliste që po mbahet në Zvicër. Kampionia e Evropës, Anglia ishte më e saktë se Suedia gjatë ekzekutimit të penalltive. Anglezet ishin të sakta tri herë, kurse suedezet vetëm dy herë në serinë e ekzekutimit të penalltive. Suedezet i humbën pesë penallti, kurse anglezet një më pak dhe kështu siguruan kalimin në gjysmëfinale të Evropianit.
90 minutat e ndeshjes çerekfinale përfunduan baras, 2:2. Suedia dhe Anglia nuk shënuan as në vazhdimet dy herë nga 15 minuta dhe penalltitë vendosën fituesin.
Kosovare Asllani shënoi gol për Suedinë në nismë të ndeshjes ndaj Anglisë.
Asllani shënoi në minutën e dytë, pasi fitoi një top nga mbrojtja angleze. Kapitenia e Suedisë, Asllani, luajti deri në minutën e 77-të. Pas daljes së saj nga fusha, anglezet shënuan dy golat e barazimit e më pas në ekzekutimin e penalltive ishin më të sakta se suedezet.
Kosovare Asllani shënon për epërsinë e Suedisë ndaj Anglisë
Kosovare Asllani ka shënuar gol për Suedinë në nismë të ndeshjes ndaj Anglisë.
Asllani shënoi në minutën e dytë, pasi fitoi një top nga mbrojtja angleze.
Ndeshja është çerekfinale e Kampionatit Evropian për futbolliste.
