Mesfushori i Shqipërisë, Qasim Laçi, është konfirmuar të dielën mbrëma si futbollist i ri i Rizesporit.
Laçi u transferua te skuadra e elitës turke nga Sparta e Pragës çeke.
Ai është larguar nga ekipi i njohur çek pas dy vjetësh e gjysmë.
“E mirëpresim lojtarin tonë të ri Qazim Laçi dhe i dëshirojmë shumë suksese”, ka shkruar klubi turk ndër të tjera.
Laçi i ishte bashkuar Spartas në janar të vitit 2023, ndërsa i shënoi gjashtë gola dhe i pati 18 asistime në 113 ndeshje në total.
