Klubi kroat i futbollit Vukovar 1991 ka njoftuar të enjten se e ka ndërprerë kontratën me portierin e ri Srgjan Nediq, i cili pritej të ishte titullar në ndeshjen kundër Dinamo Zagrebit të premten.
Vendimi është marrë, pasi drejtuesit e klubit morën informacion se Nediq po i ndiqte faqet e klubit serb Cërvena Zvezda dhe çetnikëve. Krahas Zvezdës, Nediq e ndoqi një profil të quajtur “Çetnici 1941” në Instagram, i cili ka 12 postime dhe 51 ndjekës. Fotografia e profilit të kësaj faqeje e ka flamurin e Serbisë mbi hartën e Kosovës. Në përshkrimin e kësaj faqeje në çirilicë shkruan “Patriotizëm dhe dashuri për mbretin dhe atdheun. Kosova është Serbi”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNediq, po ashtu e ndjek profilin e KK Cërvena Zvezda.
“HNK Vukovar 1991 dëshiron ta informojë publikun se, menjëherë pasi mësoi për veprime që nuk janë në përputhje me vlerat dhe standardet e klubit tonë, mori masa vendimtare dhe e ndërpreu kontratën me lojtarin Srgjan Nediq sa më shpejt që ishte e mundur. Si një klub i bazuar në respekt, përgjegjësi dhe integritet, ne besojmë se një sjellje e tillë nuk është e pranueshme dhe nuk i përfaqëson vlerat për të cilat ne përfaqësojmë”, shkruan në njoftimin e klubit elitar të Kroacisë.
Klubi kroat ka kërkuar falje, duke theksuar se e kanë të pamundur t’i kontrollojnë të gjithë anëtarët e tyre.
“Edhe pse investojmë me përpjekje të mëdha në sjelljen profesionale të të gjithë anëtarëve tanë, është e rëndësishme të theksojmë se nuk kemi kontroll mbi përmbajtjen dhe aktivitetet private të individëve jashtë kornizës së klubit”, thuhet në deklaratë.
Nedqi u lind më 27 dhjetor 2006 në Vukovar dhe iu bashkua Vukovarit nga Cibalija dy vjet më parë. Ai e priste paraqitjen e parë në ndeshjen kundër Dinamos në stadiumin “Maksimir”, në kuadër të xhiros së dytë të elitës së futbollit kroat.
Për shkak të lëndimit të portierit të parë, i cili pati paraqitje të mirë në humbjen kundër Lokomotivës së Zagrebit (1:0) në xhiron e parë, Nediq pritej të ishte titullar kundër Dinamos. Megjithatë, kjo nuk do të ndodhë, për shkak të ndërprerjes së kontratës.