Selektori i Sllovenisë, Matjazh Kek, e ka uruar Kosovën për fitoren në Lubjanë.
Kosova e mposhti 2:0 Slloveninë dhe e siguroi për herë të parë plejofin.
Kosova pas fitores ndaj Sllovenisë ka dhjetë pikë në pozitën e dytë në Grupin B.
Zvicra i prin tabelës me tri pikë më shumë.
Ndeshja e fundit mes Kosovës dhe Zvicrës luhet në Prishtinë të martën.
“Para së gjithash, duhet ta përgëzojmë kundërshtarin tonë, Kosova e meritoi plotësisht fitoren. Patëm disa gabime, një karton të kuq dhe një autogol, por ata ishin më të shpejtë në pjesën e parë, po merrnin topa të dytë dhe ne nuk ishim në gjendje të hynim në lojë”, ka thënë Kek pas ndeshjes.
