Mbrojtësi Lindrit Kamberi ia ka siguruar të shtunën fitoren skuadrës së Zurichut në derbin e madh zviceran.
Zurichu fitoi 1:0 ndaj Grasshoppersit në ndeshjen që i takoi javës së 15-të.
Kamberi shënoi nga afërsia në minutën e 20-të për fitoren shumë të vlefshme të Zurichut. Për 26-vjeçarin ky ishte goli i parë këtë edicion.
Ai e kompletoi ndeshjen dhe ishte më i dalluari në fushë.
Bashkëlojtari i Kamberit te Zurichu, Bledian Krasniqi, ishte në bankën e rezervistëve.
Samuel Krasniqi te Grasshoppersi luajti deri në minutën e 70-të, kurse Leart Kabashi në lojë u inkuadrua në minutën e 90-të. Për shkak të lëndimit mungoi Amir Abrashi.
Zurichu ka 20 pikë në vendin e shtatë. Gjashtë pikë më pak ka Grasshoppersi në pozitën e 11-të.