Skuadra e Ferizajt ka fituar një pikë me gol të minutës së 100-të kundër Gjilanit në kuadër të xhiros së 14-të të elitës së futbollit kosovar.
Golin e barazimit 2:2 e shënoi Jakup Berisha. Ai realizoi gol nga penalltia.
Në fakt, Ferizaj kishte shënuar gol më herët për 2:2. Por goli u anulua nga gjyqtari Bardh Ajeti dhe nëpërmjet VAR-it më pas u dha penallti të cilën në gol e shndërroi Berisha.
Berisha shënoi edhe golin e parë për Ferizajn në minutën e pestë shtesë të pjesës së parë.
Dy golat për Gjilanin i realizoi sulmuesi Senad Jaroviq. Golat i shënoi në minutën e 21-të dhe 60-të.
Gjilani është në vendin e tetë me 16 pikë, kurse Ferizaj një pozitë më poshtë me një pikë më pak.
Gjilani kalon sërish në epërsi
Gjilani ka kaluar sërish në epërsi 2:1 ndaj Ferizajt.
Golin e dytë për Gjilanin e realizoi Senad Jaroviq në minutën e 60-të.
Jaroviq e realizoi edhe golin e parë për skuadrën gjilanase.
Mbyllet baras pjesa e parë në Gjilan
Pjesa e parë e ndeshjes mes Gjilanit dhe Ferizajt është mbyllur baras 1:1.
Senad Jaroviq e kaloi në epërsi Gjilanin në minutën e 21-të.
Por Ferizaj reagoi duke i barazuar shifrat në minutën e pestë shtesë të pjesës së parë me golin që e shënoi Jakup Berisha.
Ndeshja i takon xhiros së 14-të të elitës së futbollit kosovar.
Senad Jaroviq e ka kaluar në epërsi Gjilanin ndaj Ferizajt. Sulmuesi i qendrës, Jaroviq, shënoi nga afërsia për 1:0.
Ndeshja i takon xhiros së 14-të të elitës së futbollit kosovar.