Sulmuesi kosovar, Arijon Ibrahimoviqi, ishte prej më meritorëve që Heidenheimi i arkëtoi pikët e plota të shtunën në ballafaqimin ndaj Union Berlinit.
Heidenheimi fitoi 2:1 në udhëtim në ndeshjen që i takoi javës së 12-të të Bundesligës gjermane.
Ibrahimoviqi asistoi te goli i fitores 2:1 të cilin e realizoi Jan Schoppner në minutën e 95-të. Ai në lojë u inkuadrua në minutën e 57-të.
Në portë te Heidenheimi ishte Diant Ramaj, kurse për shkak të lëndimit mungoi Leart Paqarada.
19-vjeçari Ibrahimoviq këtë edicion ka tri asistime në 14 paraqitje në të gjitha garat.
Heidenheimi ka tetë pikë, kurse Union Berlini numëron 15 pikë.