Galatasarayt i duhet vetëm edhe një pikë për ta siguruar titullin e kampionit në Superligën e Turqisë në futboll.
Galata të shtunën mbrëma e mposhti në udhëtim Trabzonsporin me rezultatin 2:0 në ndeshjen që ishte e vlefshme për xhiron e 35-të.
Tri xhiro para fundit, Galatasaray është lider me 86 pikë. Fenerbahçe ka tetë pikë më pak në vendin e dytë.
Abdulkerim Bardakçi e realizoi golin e parë në minutën e 66-të. Golin e fundit e shënoi Alvaro Morata në minutën e 84-t.
Galatasaray do të presë Kayserisporin xhiron e ardhshme dhe i duhet vetëm një barazim për të siguruar titullin.
Trabzonspori është në mesin e tabelës me 46 pikë.
