Portieri i Midtjyllandit ka pasur moment turpërues të enjten mbrëma.
Vetëm shtatë sekonda pasi nisi pjesa e dytë, FCSB-ja rumune e shënoi golin për 2:0, me të cilin edhe mbaroi ballafaqimi ndaj skuadrës daneze, Midtjylland.
Nga qendra e fushës, topi shkoi te portieri Elias Rafn Olafsson, i cili në tentim për ta larguar atë e qëlloi sulmuesin Daniel Birligea, i cili më pas nuk e pati të vështirë të shënonte.
Ndeshja i ka takuar xhiros së katërt të Ligës së Evropës.
FCSB-ja tani ka nëntë pikë, kurse Midtjyllandi ka shtatë pikë.