Club Brugge ka shënuar fitore të thellë ndaj Monacos franceze, në ndeshjen e xhiros së parë të fazës së ligës në Champions.
Klubi belg mposhti francezët me rezultatin 4:1.
Ndeshja thuajse u mbyll në pjesën e parë kur vendësit realizuan tre herë.
Fillimisht, Maghnes Akliouche humbi penalltinë për mysafirët, ndërsa nikoqiri realizoi me Nicolo Tresoldin, Raphael Onyedikan dhe mesfushorin Hans Vanaken.
Mamadou Diakhon në minutën e 75-të realizoi për 4:0.
Golin e vetëm për Monacon e shënoi Ansu Fati në minutën e dytë të kohës shtesë.