Bayern Muncheni ka shënuar fitore bindëse 3:0 ndaj Borussia Monchengladbachut në udhëtim.
Ndeshja e zhvilluar të shtunën i takoi javës së tetë të Bundesligës.
Për Bayernin ishte fitorja e tetë nga po aq ndeshje të luajtura. Është lider me 24 pikë.
Joshua Kimmich e realizoi golin e parë në minutën e 64-t.
Gjashtë minuta më pas, Raphael Guerreiro, shënoi për 2:0.
Realizatori i golit të fundit ishte talenti 17-vjeçar, Lennart Karl, në minutën e 81-të.
Vendësit nga minuta e 19-të ishin me një futbollist më pak në fushë pasi Jens Castrop u ndëshkua direkt me karton të kuq.
Monchengladbachu humbi edhe penallti në minutën e 75-të. Kevin Stoger nuk u tregua i saktë nga pika e bardhë.
Monchengladbachu nuk di për fitore ende këtë edicion. Ka tri barazime dhe pesë humbje. Është në pozitën e fundit me vetëm tri pikë.