Lindon Emërllahu u transferua në shkurt të këtij viti te Cluji rumun për 700 mijë euro nga Ballkani i Suharekës.
Ballkani e ka 15 për qind të kartonit në shitjen e ardhshme të mesfushorit, që pritet të kalojë në kampionatin ukrainas në afatin kalimtar dimëror.
Pikërisht në Ukrainë ishte afër që të transferohej Emërllahu para kalimit te Cluji.
Skuadra Kolos Kovalivka i dëshironte shërbimet e tij, por ishte e gatshme të shpenzonte 300 mijë deri në 400 mijë euro. Kjo ofertë u refuzua nga zyrtarët e klubit suharekas, ka shkruar të shtunën mediumi rumun “Digisport”.