Leon Parduzi është futbollisti tjetër kosovar që do të jetë pjesë e Bundesliga 2 për edicionin e ardhshëm.
Holstein Kieli që në këtë sezon nuk arriti ta sigurojë mbijetesën në elitën gjermane, ka njoftuar të enjten për transferimin e 18-vjeçarit që luan në disa pozita të mbrojtjes.
Parduzi e ka një paraqitje me Kosovën U19.
“Lëvizja te Kieli është sfidë e madhe për mua. Pas bisedimeve menjëherë e kam ndier besimin e zyrtarëve të skuadrës dhe u binda se Kieli është zgjedhja e duhur për zhvillimin tim si futbollist”, ka deklaruar Parduzi për faqen zyrtare.
Parduzi është rritur te të rinjtë e Offenburgut dhe Karlsruhes.
