Granit Dërvisholli do të jetë trajner i ri i skuadrës së Feronikelit.
Dërvisholli, që vlerësohet trajner premtues në futbollin kosovar, do ta pasojë në këtë post trajnerin italian Giovanni Colella.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFeronikeli 74 luan sot nga ora 13:00 ndaj Ballkanit në Suharekë, por në formacionin e postuar nga Federata e Futbollit e Kosovës, nuk figuron emri i Dërvishollit.
Si drejtues i ekipit do të jetë Fidan Rexhepi.
Edhe Feronikeli 74 nuk ka përmendur nëse ai do të debutojë ndaj Ballkanit.
“Granit Dervisholli merr drejtimin e FC Feronikelit 74. FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit. Ne i urojmë një fillim të mbarë dhe shumë suksese në këtë rrugëtim të përbashkët”, ka shkruar Feronikeli 74 në Facebook.
Feronikeli 74 është i fundit në tabelë me 10 pikë pas 20 ndeshjeve.