Brazili ka barazuar pa gola me Ekuadorin të premten në mëngjes, në ndeshjen debutuese të Carlo Ancelottit si selektor i brazilianëve. Ndeshja ishte kualifikuese për Botërorin e vitit të ardhshëm.
Ndeshja ka ofruar pak rate për të dy përfaqësueses, ndërsa Brazili ka shfaqur pak kreativitet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEkuadori ka mbetur i dyti me 24 pikë, ndërsa Brazili është i katërti me 22 pikë. Gjashtë përfaqësueset më të mira të Amerikës së Jugut kualifikohen direkt në Botërorin në SHBA, Kanada dhe Meksikë.
Argjentina, që tashmë ka siguruar kualifikimin, fitoi 1:0 ndaj Kilit.
Ancelotti bëri shumë ndryshime në krahasim me trajnerin e kaluar, Dorival Junior, që u shkarkua pas humbjes 4:0 nga Argjentina. Brazili bllokoi Ekuadorin vendas, por dështoi të jetë kreativ dhe agresiv në sulm. Viniciusi mori numrin 10, Casemiro dhe Richarlison u kthyen në përbërjen bazë, Alex debutoi, ndërsa adoleshenti Estevao u paraqit në krahun e majtë në vend të Raphinhas së suspenduar.
Javën tjetër Brazili e pret Paraguajin.
“Do të kemi më shumë shanse për të kontrolluar ndeshjes, për të pasur më shumë intensitet”, ka thënë Ancelotti. “Ndeshja ishte e komplikuar për tre sulmuesit. Na është dashur më shumë lojë ofenzive. Por Ekuadori është mbrojtur mirë. Në aspektin defanziv ishte lojë shumë e mirë. Kam parë një ekip që luajti mirë me topin po ashtu. Ishte një barazim i mirë dhe largohemi të kënaqur, me besim për ndeshjen e radhës”, ka shtuar tekniku italian, që mori drejtimin e Brazilit në fund të muajit të kaluar, pasi u nda me Real Madridin.