Danimarka do të jetë kundërshtarja e Gjermanisë në finale të Kampionatit Evropian në hendboll.
Në gjysmëfinalen e dytë, të premten mbrëma në Herning të Danimarkës, danezët fituan 31:28 ndaj Islandës.
Danimarka llogaritej favorite, ndërsa pas pjesës së parë kishte vetëm një gol epërsi.
Mathias Gidsel udhëhoqi Danimarkën me shtatë gola. Johan Hansen i kishte gjashtë.
Janus Dadi Smarason i shënoi tetë gola për Islandën.
Të dielën finalja mes Danimarkës dhe Gjermanisë zhvillohet nga ora 18:00. Nga ora 15:15 për vend të tretë luajnë Islanda e Kroacia.