Rubin Kazani barazoi 2:2 me Zenit St. Petersburgun në xhiron e dytë të elitës ruse të futbollit. Golin e barazimit 2:2 e shënoi Mirlind Daku në minutën e 90-të. Golin e parë për Rubinin e shënoi Veldin Hoxha, reprezentuesi i ri i Kosovës, në minutën e 47-të.
Zeniti i shënoi të dy golat në pjesën e parë.
Hoxha ka dy gola në dy ndeshje, ndërsa për Dakun është goli i parë. Në ndeshjen e parë ai kishte asistim.
Gjatë verës është përfolur kalimi i Dakut te Zeniti. Por ai vendosi të vazhdojë me Rubin Kazanin.