Mesfushori Eris Abedini është kthyer në futbollin zviceran.
Abedini të enjten është prezantuar nga Neuchatel Xamaxi, ku ishte edhe në të kaluarën. Ish-kapiteni i Kosovës U21 ditë më parë u nda me Ballkanin e Suharekës ku e kaloi edicionin 2024/2025. Te Xamaxi i kategorisë së dytë helvetike ishte në edicionin 2023/2024. I kishte luajtur 22 ndeshje, ndërsa kishte realizuar një gol e një asistim.
Abedini i ka 130 ndeshje në kategorinë e dytë zvicerane dhe 36 në Superligë.
“Edhe pse u largova nga Neuchateli para një viti, kam pasur kohë shumë të mirë këtu. Jam shumë i lumtur për kthimin në këtë stadium dhe te këta tifozëve”, ka thënë Abedini.
26-vjeçari ka luajtur edhe te Lugano, Chiasso, Winterthuri, Wili, Granada B.
