Mbrojtësi i Manchester Unitedit, Luke Shaw, nuk është paraqitur as të mërkurën në stërvitjen e Anglisë.
Ai nuk ka luajtur që nga shkurti për shkak të lëndimit, por Gareth Southgate vendosi ta marrë në Evropian. 28-vjeçari mund t’i mungojë Anglisë edhe për ndeshjen ndaj Danimarkës.
Anglia e luan të enjten ndeshjen kundër danezëve. “Në vend që t’i bashkohej ekipit të mërkurën, Shaw po vazhdon të ndjekë program individual diku tjetër”, shkruan “Daily Mail”. Shaw ka luajtur 31 ndeshje për Anglinë që nga debutimi i tij në vitin 2014.
