Zvicra ka qëndruar e qetë dhe ka përfituar nga zëvendësimet e duhura dhe në kohën e duhur, për ta mposhtur më pas Kolumbinë në penallti për vend në çerekfinale të Botërorit. Kështu ka thënë selektori i Zvicrës, Murat Yakin.
Ruben Vargas realizoi penalltinë vendimtare për festën e madhe të Zvicrës, përkatësisht për fitoren 4:3.
Ai ishte njëri prej zëvendësuesve. Ardon Jashari startoi te Zvicra, por dëshpëroi dhe u zëvendësua pas pjesës së parë.
“Ishte vështirë në fillim, por mbetëm në lojë dhe shfaqëm mentalitet”, ka thënë Yakin. “Me pas aktivizova lojtarët e duhur në momentin e duhur. Në fund ishte me rëndësi që të jenë në fushë lojtarët që i shënuan penalltitë”, ka theksuar Yakin.
Ai ka folur për sukses historik, por ka thënë se vazhdojnë para.
Zvicra u paraqit pa Johan Manzambin e lënduar. Ai ka shkëlqyer në këtë Botëror.
“Secili vendim i vogël ka rëndësi. Mungesa e Johanit ishte goditje, por jemi paraqitur mirë si ekip. E dinim që ishte ndeshje historike. Ishte fitore e pabesueshme. Duhet të jemi të durueshëm, por kishim top-paraqitje dhe jam shumë i lumtur për lojtarët”, ka theksuar selektori i Zvicrës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo