Franca luan kundër Irakut në Philadelphia në ndeshjen që nis të hënën nga ora 23:00.
Dueli ndaj irakianëve mund të jetë tjetër rast i mirë për superyllin, Kylian Mbappe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSulmuesi i Real Madridit do të bëjë paraqitjen e tij të 100-të për Francën, pasi u bë golashënuesi më i mirë i të gjitha kohërave i francezëve me dy gola kundër Senegalit në kuadër të ndeshjes së parë të Grupit I të Kupës së Botës.
Mbappe për Francën i ka 58 gola, ndërsa synon të tjera rekorde në Kupën e Botës.
Me dy golat e shënuar kundër Senegalit, Mbappe e çoi në 14 numrin e golave të shënuar në Kupën e Botës. Ka dy më pak se Miroslav Klose dhe Lionel Messi, i cili shënoi “hat-trick” kundër Algjerisë.
Me fitore, Franca mund ta siguroj vendin e saj në 1/32 e finales, pavarësisht rezultatit të ndeshjes ndërmjet Norvegjisë dhe Senegalit.
Vetëm një rezultat tjetër, do t’i detyronte francezët të prisnin përballjen kundër Norvegjisë për të siguruar kalimin tutje.
Irakun e pret një mbrëmje e vështirë. Mund të bëhet shteti i parë aziatik që pëson humbje në secilën nga pesë ndeshjet në histori të Botërorit.