Një vajzë 11-vjeçare është shpëtuar pasi kishte qëndruar për tri ditë, me dy goma për not rreth belit të saj, në një mot me erë në Detin Mesdhe, raporton “BBC”.
Shpëtimtarët e organizatës joqeveritare “Compass Collective” tha se ishin duke shkuar te një rast tjetër emergjent, kur dëgjuan thirrjet për ndihmë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVajza nga Sierra Leone, u tha atyre se ishte nisur me 44 persona tjerë nga Sfaxi i Tunizisë. Varka u fundos dhe gjithë mërgimtarët tjerë dyshohet se kanë vdekur. Mijëra migrantë që tentojnë të arrijnë Evropën, vdesin çdo vit në Mesdhe.
Zëdhënësja e Compass Collective, Katja Tempel, i ka treguar BBC-së se shpëtimtarët në anijen “Trotamar III” gjetën vajzën nga Sierra Leone duke veshur një jelek shpëtimi dhe kishte dy për not rreth belit. Ajo u gjet të mërkurën rreth orës 3:20 të mëngjesit.
Ajo kishte treguar se anija me të cilin po lundronte ishte shembur brenda pak sekondave pasi u godit nga stuhia dhe valët e larta 3.5 metra.
Ajo tha se ishte në ujë së bashku me dy të tjerë, por humbi kontaktin me ta.
Shpëtimtarët e dorëzuan atë te autoritetet italiane në ishullin Lampedusa.