Hezbollahu i ka fshehura qindra miliona dollarë dhe ari në një bunker të ndërtuar nën një spital në Bejrut, ka thënë ushtria izraelite të hënën, duke shtuar se s'do ta godasë objektin derisa vazhdon sulme ndaj aktiviteteve financiare të grupit kriminal, ka raportuar Reuters.
Fadl Alameh, ligjvënës libanez, ka deklaruar se Izraeli po bën pretendime të rreme, duke i bërë thirrje ushtrisë libaneze ta vizitojë spitalin për të parë se ka vetëm dhoma operacioni, pacientë dhe një morg.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZëdhënësi i ushtrisë izraelite, Daniel Hagari, ka deklaruar se ish-udhëheqësi i Hezbollahut, Sayyed Hassan Nasrallah, që Izraeli e vrau muajin e kaluar, kishte ndërtuar bunkerin e projektuar për qëndrim të gjatë.
“Ka qindra miliona dollarë para dhe ar brenda bunkerit. Unë po i bëj thirrje qeverisë libaneze, autoriteteve dhe organizatave ndërkommbëtare që të mos lejojnë Hezbollahun t'i përdorë paratë për terror dhe për të sulmuar Izraelin”, ka thënë Hagari.
Ai ka theksuar se ushtria po e monitoron kompleksin.