Presidenti amerikan, Donald Trump, ka lëshuar “paralajmërimin e fundit” për Hamasin që të lirojë pengjet e mbajtura në Gaza.
“Po i dërgoj Izraelit gjithçka që i duhet për ta kryer punën, asnjë pjesëtar i vetëm i Hamasit nuk do të jetë i sigurt nëse nuk bëni si them unë”, ka thënë Trumpi në një postim në “Truth”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeklarata e tij erdhi disa orë pasi Shtëpia e Bardhë konfirmoi se po mban bisedime direkte me Hamasin për pengjet, raportoi BBC.
Washingtoni deri tani ka shmangur angazhimin direkt me grupin, dhe ekziston një politikë e gjatë amerikane kundër kontaktit direkt me grupet që i cilëson si organizata terroriste.
Trumpi ka shtuar se Hamasi do ta paguajë nëse pengjet nuk lirohen, ndërsa nuk ka treguar se çfarë ndihme saktësisht po i jep Izraelit.
“Lironi të gjitha pengjet tani, jo më vonë, dhe menjëherë ktheni të gjitha trupat e të vdekurve që i keni vrarë, ose do të jetë FUNDI për ju”, theksoi ai.
“Për lidershipin, tani është koha të largoheni nga Gaza, derisa keni ende mundësi”.
Ai u duk se kërcënoi edhe civilët: “Po ashtu, popull i Gazës: Një e ardhme e bukur ju pret, por jo nëse i mbani pengjet. Nëse e bëni, jeni të vdekur!”