-
Përktheu:
Flutura Gashi-Mehmeti
- 29 prill 2026 09:18
- Shpërndaje në:
Presidenti amerikan, Donald Trump, ka thënë të martën se Mbreti Charles i Britanisë nuk do që Irani të ketë armë bërthamore, duke e futur temën e tensionuar të konfliktit të Lindjes së Mesme në darkën shtetërore në Shtëpinë e Bardhë për familjen mbretërore.
Eventi u mbajt në ditën e dytë të një vizite katër-ditore në Shtetet e Bashkuara të çiftit mbretëror britanik, në një kohë të tensionuar për marrëdhëniet, pasi Trumpi e ka kritikuar vazhdimisht kryeministrin britanik, Keir Starmer për atë që presidenti amerikan e quan mungesë ndihme në ndjekjen penale të luftës së Iranit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Po bëjmë pak punë në Lindjen e Mesme tani dhe po ia dalim shumë mirë”, ka thënë Trumpi në darkë.
"Ne e kemi mposhtur ushtarakisht atë kundërshtar të veçantë dhe nuk do ta lejojmë kurrë atë kundërshtar, Charles pajtohet me mua edhe më shumë sesa unë, nuk do ta lejojmë kurrë atë kundërshtar të ketë armë bërthamore”, ka thënë Trumpi.
Në komentet e tij pas Trumpit, Charles nuk ka folur për Iranin apo luftën.
Ndërkohë, në një fjalim para Kongresit paraprakisht, Charles nuk ka përmendur drejtpërdrejt luftën e Iranit, por i është referuar kritikave të Trumpit ndaj NATO-s, ka theksuar rëndësinë e ndihmës së vazhdueshme të SHBA-së për Ukrainën në luftën e saj me Rusinë dhe rreziqet e izolacionizmit.
Si Britania ashtu edhe Shtetet e Bashkuara kanë pohuar gjatë viteve se Teherani nuk duhet të zhvillojë armë bërthamore.
Teherani, i cili nuk ka armë bërthamore, mohon se i kërkon ato, por thotë se ka të drejtë të zhvillojë teknologji bërthamore për qëllime paqësore, përfshirë pasurimin, si palë në Traktatin për Mospërhapjen Bërthamore.