Presidenti amerikan, Donald Trump, ka thënë të martën se është i bindur se Irani do të ndalojë pasurimin e uraniumit dhe do të braktisë çdo përpjekje për të ndërtuar armë bërthamore, edhe pse negociatat midis Uashingtonit dhe Teheranit kanë mbetur të bllokuara.
“100% ata do të ndalen”, ka thënë Trumpi gjatë një interviste në emisionin “Sid and Friends in the Morning” të WABC kur është pyetur nëse besonte se Irani mund të parandalohej nga pasurimi i uraniumit dhe zhvillimi i një bombe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTrumpi ka thënë po ashtu se ka qenë i angazhuar drejtpërdrejt me zyrtarët iranianë gjatë bisedimeve.
"Unë merrem me ta”, ka deklaruar Trumpi. "Dhe ata thanë se do ta marrim pluhurin. Unë e quaj pluhur bërthamor sepse është i përshtatshëm. Dhe do ta marrim”.
Presidenti ka thënë gjithashtu se SHBA-ja nuk ka nevojë të lëvizë shpejt drejt një marrëveshjeje.
"Nuk do të nxitohemi për asgjë, kemi një bllokadë”, ka thënë Trumpi.
Komentet vijnë një ditë pasi Trumpi tha se armëpushimi midis SHBA-së dhe Iranit është në "mbështetje masive të jetës" pas kundërpropozimit të fundit të Teheranit, të cilin ai e përshkroi si "thjesht të papranueshëm".
Lufta kundër Iranit ka kushtuar 29 miliardë dollarë deri më tani, thotë Pentagoni
Photo: Associated Press
Lufta e SHBA-së kundër Iranit ka kushtuar 29 miliardë dollarë deri më tani - një vlerësim që ishte më i lartë se shifra prej 25 miliardë dollarësh që zyrtarë të lartë të Pentagonit i kanë dhënë Kongresit dy javë më parë.
"Pra, në kohën e dëshmisë nga (Komiteti i Shërbimeve të Armatosura të Dhomës së Përfaqësuesve), ishte 25 miliardë dollarë, por ekipi i Shtatmadhorisë dhe ekipi i Kontrollit financiar po e shqyrtojnë vazhdimisht këtë vlerësim, dhe tani mendojmë se është më afër 29”, ka thënë të martën Jay Hurst, i cili po kryen detyrat e Kontrollorit të Pentagonit, gjatë një seance dëgjimore të Komitetit të Buxhetit të Dhomës së Përfaqësuesve.
CNN ka raportuar më parë se vlerësimi prej 25 miliardë dollarësh që Hurst i ka dhënë Kongresit në prill ishte një shifër e ulët që nuk përfshin koston e vlerësuar të riparimit të dëmeve të gjera në bazat amerikane në Lindjen e Mesme. Një burim ka thënë se një vlerësim më i saktë është më afër 40-50 miliardë dollarëve, kur llogariten ato kosto riparimi dhe zëvendësimi i aseteve të dëmtuara.
I pyetur nëse mund të jepte një përshkrim më formal të kostos së luftës me Iranin, sekretari i Mbrojtjes Pete Hegseth ka thënë se Pentagoni do të "ndante atë që mund të bënte... kur të ishte e rëndësishme dhe e nevojshme".