-
Përktheu:
Blerta Haxhiu
- 27 shkurt 2026 14:54
- Shpërndaje në:
Thirrje për dialog kanë bërë shtete të ndryshme pasi Pakistani ka bombarduar kryeqytetin e Afganistanit, Kabulin, dhe dy provinca të tjera të premten, disa orë pas një sulmi ndërkufitar.
Rusia u bëri thirrje Afganistanit dhe Pakistanit të premten që të ndalin menjëherë sulmet ndërkufitare dhe të zgjidhin mosmarrëveshjet përmes mjeteve diplomatike.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRusia është i vetmi shtet që e ka njohur zyrtarisht qeverinë talebane të Afganistanit dhe njëkohësisht mban marrëdhënie të mira me Pakistanin, raporton Reuters.
“Natyrisht, përplasjet e drejtpërdrejta ushtarake që kanë ndodhur nuk paralajmërojnë asgjë të mirë. Prandaj shpresojmë që ato të ndalen sa më shpejt të jetë e mundur. Ashtu si të gjithë të tjerët, ne po e ndjekim nga afër këtë situatë”, u tha gazetarëve zëdhënësi i Kremlinit, Dmitry Peskov.
Peskov konfirmoi gjithashtu se po përgatitet një vizitë në Rusi nga kryeministri i Pakistanit, Shehbaz Sharif, pa dhënë një datë të saktë. Agjencia shtetërore e lajmeve RIA raportoi se vizita pritet të zhvillohet javën e ardhshme.
E ministrat e jashtëm të Arabisë Saudite dhe Pakistanit biseduan sot për të diskutuar uljen e tensioneve, sipas zyrës së jashtme të Riadit. Të dy vendet kanë lidhje të qëndrueshme ushtarake, diplomatike dhe ekonomike, por nuk dihet nëse Arabia Saudite është e përfshirë në ndërmjetësimin e një armëpushimi, raporton The Guardian.
Ministria e jashtme e Kinës bëri të ditur se ka ndërmjetësuar në konflikt përmes kanaleve të saj dhe është “thellësisht e shqetësuar” nga përshkallëzimi. Pakistani është një nga partnerët më të ngushtë të Kinës në rajon, por e konsideron veten një “fqinj miqësor” të Afganistanit.
Ndërkaq, sekretarja e Jashtme britanike, Yvette Cooper tha se Mbretëria e Bashkuar është e shqetësuar nga “përshkallëzimi i konsiderueshëm i tensioneve” mes Afganistanit dhe Pakistanit.
“Ne bëjmë thirrje që të dyja palët të ndërmarrin menjëherë hapa drejt uljes së tensioneve, të shmangin dëm të mëtejshëm ndaj civilëve dhe të rifillojnë dialogun e ndërmjetësuar”, shtoi sekretarja e jashtme e Mbretërisë së Bashkuar në një postim online.
Ky postim u bë pas një postimi të saj dje, ku shprehu indinjatën për “vazhdimin e kufizimeve të vendosura ndaj grave dhe vajzave në Afganistan”.