-
Përktheu:
Blerta Haxhiu
- 28 shtator 2024 14:06
- Shpërndaje në:
Përmbytjet e shkaktuara nga reshjet e vazhdueshme kanë lënë të vdekur të paktën 32 persona në kryeqytetin e Nepalit dhe 29 të tjerë janë të zhdukur, njoftoi policia të shtunën.
Reshjet kanë rënë që nga mbrëmja e së premtes dhe pritet të vazhdojnë edhe gjatë fundjavës. Sipas zëdhënësit të policisë së Nepalit, Bishwo Adhikari, shtatëmbëdhjetë persona pësuan lëndime.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi tha se i gjithë personeli i policisë në të gjithë vendin është urdhëruar të ndihmojë në përpjekjet e shpëtimit, raporton AP.
Qeveria kishte lëshuar paralajmërime për përmbytje në të gjithë vendin duke paralajmëruar për reshje masive.
Autobusët dhe makinat u ndaluan të udhëtojnë natën në autostrada. Forcat e sigurisë u urdhëruan të jenë në gatishmëri të lartë.
Ministri i Brendshëm, Ramesh Lekhak, u tha gazetarëve se ka raporte për dëme edhe në pjesë të tjera të vendit dhe zyrtarët janë ende duke mbledhur informacione.
“Prioriteti i qeverisë tani është të shpëtojë njerëzit dhe të ndihmojë ata që janë prekur”, tha Lekhak.
Pjesa më e madhe e Katmandu ishte pa energji dhe internet për një periudhë kohe.
Ka pasur raportime për rrëshqitje dheu dhe përmbytje në pjesë të tjera të vendit.
Sezoni i shirave që sjell reshje të mëdha filloi në qershor dhe zakonisht përfundon në mes të shtatorit.