Katër persona janë vrarë nga sulmi masiv i Rusisë në Kiev të premten, kanë thënë autoritetet ukrainase.
Të paktën 27 persona kanë pësuar lëndime ndërsa ekipet emergjente u janë përgjigjur disa sulmeve, ka thënë kreu i administratës ushtarake në Kiev, Tymur Tkachenko. Të paktën 430 dronë dhe 18 raketa u përdorën në sulm.
Presidenti ukrainas, Volodymyr Zelensky, ka thënë se sulmi kishte cak Kievin.
“Një sulm i kalkuluar posaçërisht për të shkaktuar sa më shumë dëm në civilë”, ka thënë ai.
15 persona u dërguan në spital, përfshirë një në gjendje kritike dhe një shtatzënë, raportoi AP.
Edhe
Të paktën 17 të vrarë në sulmin masiv rus në Kiev
Është lëshuar paralajmërim edhe për mundësi të ndërprerjes së energjisë elektrike.
Ndërkohë, porti rus i Novorossiysk u godit gjatë natës. Zjarri shpërtheu në rafinerinë kryesore të naftës Sheskharis. Si dhe një anije e blloqe apartamentesh u goditën.
Guvernatori i Krasnodarit, Veniamin Kondratyev, ka thënë se tre anëtarë ekuipazhi dhe një civil u lënduan në sulmin që dëmtoi depot e naftës.
Majori Andrei Kravchenko ka shpallur gjendje emergjente, teksa Reuters raportoi se eksportet e naftës janë ndalur.
Edhe
Një i vdekur dhe 21 të plagosur nga sulmet ruse në Kiev
Forca Ajrore ukrainasë ka paralajmëruar se dronë dhe bomba kanë shënjestruar disa rajone, përfshirë Sumyn.
