Gjykata Kushtetuese e Tajlandës ka shkarkuar nga detyra kryeministren Paetongtarn Shinawatra. Paneli i vendit, i njohur për ndërhyrjen e tij, prej nëntë gjyqtarësh të emëruar, ka vendosur që Paetongtarn Shinawatra ka shkelur standardet etike në një telefonatë që pati në qershor me udhëheqësin veteran kamboxhian Hun Sen, të cilën më pas ky i fundit e publikoi.
Në të, Paetongtarn dëgjohej duke u pajtuar me Hun Sen për mosmarrëveshjen kufitare të vendeve të tyre dhe duke kritikuar një nga komandantët e saj të ushtrisë. Ajo e mbrojti bisedën e saj duke thënë se ishte përpjekur të bënte një përparim diplomatik me Hun Sen, një mik të vjetër të babait të saj Thaksin Shinawatra, dhe tha se biseda duhej të kishte mbetur konfidenciale.
Rrjedhja e informacionit ishte dëmtuese dhe thellësisht e sikletshme për të dhe partinë e saj Pheu Thai. Kjo shkaktoi thirrje që ajo të jepte dorëheqjen, ndërsa partneri i saj më i madh i koalicionit doli nga qeveria, duke e lënë atë me një shumicë të vogël.
Vendimi i sotëm nuk ishte i papritur, pasi që në korrik, shtatë nga nëntë gjyqtarët në gjykatë votuan për të pezulluar Paetongtarn, një diferencë që sugjeronte se ajo do të vuante të njëjtin fat si katër paraardhësit e saj.
Paetongtarn është kryeministrja e pestë tajlandeze që shkarkohet nga detyra nga kjo gjykatë, të gjithë të mbështetur nga administrate e babait të saj. Kjo ka krijuar një besim të përhapur në Tajlandë pasi pothuajse gjithmonë vendos kundër atyre që shihen si kërcënim nga forcat konservatore dhe monarkiste.