Sekretari i thesarit amerikan tha se Uashingtoni ka arritur një marrëveshje "kornizë" me Kinën mbi pronësinë e operacioneve amerikane të TikTok.
Scott Bessent tha se korniza u vendos në bisedimet tregtare në Madrid për të hapur rrugën për pronësinë amerikane. Ai shtoi se Presidenti i SHBA-së Donald Trump dhe Presidenti kinez Xi Jinping do ta "përfundojnë" marrëveshjen të premten. Kina megjithatë nuk e ka komentuar.
Trump tha në Truth Social se bisedimet në Madrid "kishin shkuar shumë mirë", me një marrëveshje të arritur "mbi një kompani të caktuar që të rinjtë në vendin tonë donin shumë ta shpëtonin", shkruan BBC.
Një afat po afron për pronarin kinez të TikTok për të gjetur një blerës për operacionet e tij amerikane ose do të përballet me një ndalim në SHBA.
Në janar, Gjykata Supreme e SHBA-së mbështeti një ligj të miratuar në prill 2024, duke ndaluar aplikacionin e ndarjes së videove, përveç nëse kompania e tij mëmë ByteDance e shiste degën e saj në SHBA.
Departamenti i Drejtësisë i SHBA-së tha se qasja e TikTok në të dhënat e përdoruesve amerikanë përbën "një kërcënim për sigurinë kombëtare me thellësi dhe shkallë të gjerë".
ByteDance ka këmbëngulur vazhdimisht se operacionet e saj në SHBA janë plotësisht të pavarura dhe asnjë të dhënë nuk është ndarë me qeverinë kineze. Kompania argumentoi se ndalimi do të shkelte mbrojtjen e lirisë së fjalës për 170 milionë përdoruesit e saj në SHBA.
Në janar TikTok u mbyll, po ndalimi u bë vetëm për një ditë, para se Trump të ndërhynte dhe të vendoste për një shtyrje 75-ditore.
Afati për një shitje është zgjatur që atëherë tre herë, dhe vonesa e fundit e ndalimit do të përfundojë më 17 shtator.
Figura të ndryshme janë përmendur më parë si blerës potencialë të platformës, përfshirë pronarin e Tesla-s, Elon Musk, krijuesin e YouTube, MrBeast dhe investitorin miliarder Frank McCourt.
Bessent njoftoi marrëveshjen "kornizë" në ditën e dytë të bisedimeve tregtare midis SHBA-së dhe Kinës që synojnë t'i japin fund një lufte tregtare midis dy ekonomive më të mëdha në botë.