Kancelari gjerman Olaf Scholz e ka bërë të qartë kundërshtimin ndaj idesë për zhvendosjen e palestinezëve nga Gaza në Jordani ose Egjipt, duke e quajtur këtë propozim “të papranueshëm”.
“Çdo plan për zhvendosje, ideja që qytetarët e Gazës të dëbohen në Egjipt ose Jordani, është e papranueshme”, ka thënë Scholz gjatë një aktiviteti fushate në Berlin, duke iu referuar komenteve të presidentit të Shteteve të Bashkuara të Amerikës, Donald Trump.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoScholzi theksoi rëndësinë e një zgjidhjeje me dy shtete, ku palestinezët dhe izraelitët të jetojnë në paqe krah për krah. Ai vuri në dukje se çdo paqe e qëndrueshme varet nga mundësia e vetëqeverisjes për Gazën nën Autoritetin Palestinez.
“Shpresa e brishtë për paqe që tani është e mundur nuk duhet të shpërdorohet”, u shpreh Scholz.
Sugjerimi i presidentit Trump për të zhvendosur palestinezët është përballur me refuzim të gjerë, përfshirë edhe nga Jordania dhe Egjipti, të cilët tashmë strehojnë numër të madh palestinezësh.
Deklaratat e Scholzit theksojnë gjithashtu rolin e Gjermanisë në rajon, si një nga furnizuesit kryesorë të armëve për Izraelin, me eksportet e mbrojtjes që janë rritur ndjeshëm që nga përshkallëzimi i konfliktit me Hamasin në vitin 2023.