Pasi liderët e Ushtrisë së Rusisë njoftuan presidentin e Rusisë, Vladimir Putin, se ushtarët rusë kanë vënë nën kontroll qytetin e Pokorvskit në rajonin e Donetskut dhe Vovchanskin në Kharkiv, Ministria e Mbrojtjes ka publikuar një video nëpërmjet të cilës pretendohet se shfaqen ushtarët rusë në Pokrovsk.
Sipas shefit të Shtabit të Përgjithshëm të Ushtrisë ruse, Valery Gerasimov, Rusia ka marrë kontrollin e plotë mbi këtë qytet kyç. Pamjet shfaqin grupin ushtarak “Center” rrugëve të qytetit.
Pokrovski, si qendër e madhe urbane, shërben si rruga kryesore e ndërlidhjes së disa qyteteve të mëdha.
Pokrovski ka qenë nën sulme qe një vit, por Kievi ka vazhduar ta mohojë se rusët e kanë pushtuar.
Presidenti i Ukrainës, Volodymyr Zelensky, që të hënën ishte në Paris, ka thënë se luftimet ende po vazhdojnë.
Sipas analistëve të luftës, ky njoftim rus vjen si përpjekje për të treguar avancimet e Rusisë në terren, në prag të bisedimeve të emisarit të presidentit amerikan, Steve Witkoff, me Putinin në Moskë.
VIDEO E PUBLIKUAR NGA RUSIA:
Russian soldiers walk freely through the center of Pokrovsk, with no signs of any resistance in the immediate proximity.
On Monday, Russian high command reported to Russian President Putin that the Ukrainian city of Pokrovsk in Donetsk Oblast has been fully captured by Russian… pic.twitter.com/satCTUyjKE