Rusia pretendon se mbrojtja e saj ajrore ka rrëzuar 50 dronë mbi tetë rajone ruse, përfshirë 26 dronë mbi rajonin perëndimor të Belgorodit, që ndodhet afër kufirit me Ukrainën.
Një sulm me dron shkaktoi një zjarr në një depo nafte në rajonin Smolensk të Rusisë, kanë thënë autoritetet lokale të shtunën.
Kjo vjen pasi Ukraina lëshoi një breshëri dronësh nëpër Rusi gjatë natës, sipas Ministrisë së Mbrojtjes të Moskës, raporton AP.
Sulmet duket se kanë shënjestruar infrastrukturën energjetike të Rusisë.
"Situata është nën kontroll, mos bini në asnjë provokim”, ka thënë kreu i distriktit Kardymovsky të rajonit të Smolensk, Oleg Smolyakov në një mesazh video.
Dronët u shkatërruan gjithashtu mbi rajonet Bryansk, Kursk, Tula, Smolensk, Ryazan, Kaluga në perëndim dhe jug të Rusisë, si dhe në rajonin e Moskës.
Zjarret në komplekset energjetike u raportuan gjithashtu në rajonet Kaluga dhe Bryansk.
