-
Përktheu:
Flutura Gashi-Mehmeti
- 13 janar 2026 16:52
- Shpërndaje në:
Rusia ka dënuar të martën atë që e përshkroi si "ndërhyrje të jashtme subversive" në politikën e brendshme të Iranit dhe ka thënë se kërcënimet e SHBA-së për sulme të reja ushtarake kundër vendit janë "kategorikisht të papranueshme".
Moska zyrtare për më tepër i ka quajtur trazira në Iran “të frymëzuara nga jasht”.
"Ata që planifikojnë të përdorin trazirat e frymëzuara nga jashtë si pretekst për të përsëritur agresionin kundër Iranit të kryer në qershor 2025, duhet të jenë të vetëdijshëm për pasojat katastrofike të veprimeve të tilla për situatën në Lindjen e Mesme dhe sigurinë globale ndërkombëtare", thuhet në një deklaratë të lëshuar nga ministria e Jashtme ruse.
Presidenti amerikan, Donald Trump, ka kërcënuar që disa ditë Iranin me ndërhyrje ushtarake për shkak të protestave vdekjeprurëse.
Ndërkohë të martën, Trumpi ka shkruar në Truth Social, duke inkuruajuar iranianët që të vazhdojnë protestat dhe të kapin institucionet e tyre në dorë.
Trumpi ka thënë se ndihma për iranianët është rrugës.
Presidenti amerikan pritet që të martën vonë të mbledhë ekipin e tij të lartë të sigurisë kombëtare lidhur me Iranin.
