Botë

Rrëzohet aeroplani F-16 në Poloni, humb jetën piloti

Aeroplan F16 rrezimi

Një avion ushtarak polak F-16 u rrëzua gjatë një prove për një shfaqje ajrore në Radom të Polonisë të enjten, ndërsa piloti humbi jetën, raporton “Index.hr”. 

“Një pilot i ushtrisë polake vdiq pas rrëzimit të një avioni F-16. Një oficer që i shërbeu gjithmonë vendit të tij me përkushtim dhe guxim të madh”, ka shkruar në platformën “X” ministri i Mbrojtjes i Polonisë, Wladyslaw Kosiniak-Kamysz. 

Komanda e Forcave Ajrore të Polonisë tha se asnjë civil nuk u lëndua. 

Në rrjetet sociale janë publikuar pamje të avionit duke bërë rrotullim, para se të rrëzohej dhe të përfshihej nga flakët.