-
Përktheu:
Latra Gashi
- 26 nëntor 2024 11:10
- Shpërndaje në:
Misioni i Organizatës së Kombeve të Bashkuara ka thënë të martën se talebanët kanë ndaluar gazetarë 256 herë që nga marrja e pushtetit tre vjet më parë dhe u ka kërkuar autoriteteve t’i mbrojnë mediat, raporton Reuters.
Si përgjigje ndaj raportit, Ministria e Jashtme e udhëhequr nga talebanët ka mohuar arrestimin e tërë atyre gazetarëve dhe ka thënë se ka arrestuar vetëm ata që kanë kryer krim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë një deklaratë misioni i OKB-së (UNAMA) dhe Zyra e OKB-së për të Drejtat e Njeriut kanë thënë se Gazetarët në Afganistan kanë punuar nën “kushte sfiduese”.
“Ata shpesh përballen me rregulla të paqarta se çfarë mund dhe çfarë nuk mund të raportojnë, duke u rrezikuar nga ndalimi arbitrar për kritikat e perceptuara”, ka thënë Roza Otunbayeva, përfaqësuese speciale e Sekretarit të Përgjithshëm, Antonio Guterres. “Ne u bëjmë thirrje autoriteteve de fakto që ta garantojnë sigurinë e të gjithë gazetarëve dhe punonjësve të medias, derisa i kryejnë detyrat e tyre dhe gjithashtu ta njohin plotësisht rëndësinë e grave që punojnë në media”.
Në përgjigjen e saj, ministria tha se gratë vazhduan të punojnë në media, duke iu nënshtruar disa kushteve për t’iu përshtatur rregullave të moralit fetar, të tilla si mbulimi i fytyrës dhe puna e ndarë nga burrat.
Ministria e përshkroi raportin e OKB-së si “larg realitetit aktual” dhe tha se forcat e sigurisë po punonin për t’i mbrojtur gazetarët. Ministria afgane e informacionit nuk iu përgjigj menjëherë kërkesës për koment.
Ministria e Jashtme ka thënë se numri i të arrestuarve është “ekzagjeruar” dhe ndalimet janë bërë në bazë të ligjit.
“Askush nuk është arrestuar arbitrarisht”, ka thënë Ministria, duke i renditur shkeljet e të ndaluarve.
Këto shkelje përfshinin: inkurajimin e njerëzve kundër sistemit, shpifjet ndaj qeverisë dhe ofrimin e raporteve të rreme dhe të pabaza, e deri te bashkëpunimi me armiqtë e sistemit në media dhe ofrimi i materialit për organet e medias kundër sistemit.
Talebanët erdhën në pushtet në vitin 2021, pas tërheqjes së forcave të huaja, duke u zotuar ta rikthenin sigurinë dhe ta imponojnë interpretimin e rreptë të ligjit islamik.
Administrata e tyre nuk është njohur zyrtarisht nga asnjë qeveri e huaj dhe diplomatët perëndimorë kanë thënë se rruga drejt njohjes po bllokohet nga frenimet e grave prej talebanëve.