Një në tetë evropianë jeton në një zonë në rrezik nga përmbytjet ekstreme.
Gjetjet e reja vijnë nga një raport i Agjencisë Evropiane të Mjedisit mbi ndikimin e ndryshimeve klimatike në të gjithë ciklin e ujit, i cili përfshin thatësirën dhe zjarret në pyje, shkruan Euronews.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë 40 vjetët e fundit, stuhitë kanë shkaktuar më shumë se 5582 viktima dhe rreziku mbetet i lartë.
“Rreth 15 për qind e objekteve industriale në Evropë mund të jenë të vendosura në fusha të përmbytura”, shpjegon Aleksandra Kazmierczak, një eksperte klimatike dhe shëndetësore në Agjencinë Evropiane të Mjedisit.
“Më shumë se një e treta e impianteve të trajtimit të ujit në Evropë ndodhen në fusha të përmbytura”, ka shtuar ajo.
Sipas raportit, 11 për qind e spitaleve ndodhen gjithashtu në zona me rrezik të lartë.
Thatësirat dhe valët e të nxehtit kërcënojnë gjithashtu cilësinë e ujit duke rritur ndotjen. Këto ngjarje kumulative paraqesin problem për popullsinë të ketë qasje në ujë dhe ndikojnë në sistemet e ftohjes së termocentraleve bërthamore dhe bujqësisë.
“Në vitin 2022, kemi parë rënie të prodhimit të misrit dhe vajit të ullirit, për shembull, veçanërisht në Evropën Jugore. Humbjet e shkaktuara nga thatësira në sektorët e bujqësisë, furnizimit me ujë dhe energjisë vlerësohen në rreth 9 miliardë euro në vit”, ka treguar Kazmierczak.
Cila është zgjidhja?
Agjencia Evropiane këshillon kufizimin e zhvillimit në zonat në rrezik. Sugjeron zgjidhje të frymëzuara nga natyra, të tilla si mbjellja e pemëve ose zonave me bimësi.
Agjencia ka rekomanduar futjen e sistemeve më efektive të paralajmërimit të hershëm për përmbytjet.