Administrata e presidentit të Shteteve të Bashkuara të Amerikës, Donlad Trump, planifikon të shkurtojë stafin Agjencisë së SHBA-së për Zhvillim Ndërkombëtar në më pak se 300, nga totali prej 10,000 sa kishte agjencia në të gjithë botën, kanë njoftuar katër burime anonime të “Reuters”.
Kjo agjenci ka qenë cak i nismës për riorganizim, e udhëhequr nga biznesmeni Elon Musk, aleat i afërt i Trumpit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAgjencia parashihet të ketë vetëm 294 punëtorë që do të lejohen të mbajnë punën e tyre, përfshirë 12 në zyrën për Afrikën dhe tetë në zyrën për Azinë.
“Është tronditëse” ka deklaruar J. Brian Atwood, i cili ka shërbyer si kreu i USAID-it për më shumë se gjashtë vjet. Ai ka shtuar se largimi në masë i personelit do të shkatërronte agjencinë, e cila sipas tij ka ndihmuar në mbajtjen gjallë të miliona njerëzve në botë.
“Shumë njerëz nuk do të mbijetojnë”, ka shtuar ai, i cili tani punon në Institutin Watson të Universitetit Brown.
Departamenti i Shtetit në SHBA nuk ka komentuar lidhur me këtë.
Trumpi dhe Musku, njeriun më të pasur në botë, akuzuan se stafi i USAID-it ishte kriminal dhe shumë prej tyre i larguan nga puna. Qindra kontraktorë të brendshëm kanë ndaluar punën dhe programet e shpëtimit të jetëve në të gjithë botën janë pezulluar.