-
Përktheu:
Flutura Gashi-Mehmeti
- 1 qershor 2026 12:07
- Shpërndaje në:
Kryeministri i Izraelit, Benjamin Netanyahu, ka urdhëruar sulme në periferitë jugore të kryeqytetit të Libanit, Bejrut, ndërsa konflikti me grupin e armatosur Hezbollah të mbështetur nga Irani vazhdon të përshkallëzohet.
Netanyahu ka thënë se "objektivat terroriste" në fortesën e Hezbollahut në Dahieh do të goditen në përgjigje të sulmeve ndaj civilëve izraelitë dhe shkeljeve të tjera të armëpushimit të ndërmjetësuar nga SHBA-ja, e të shpallur në prill, i cili nuk ka arritur t'i japë fund luftimeve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjë zyrtar i lartë i qeverisë libaneze i ka thënë BBC-së se po mbështetej në përpjekjet e ndërmjetësimit të SHBA-së për të ushtruar presion mbi Izraelin që të ndërpresë shkeljet e veta dhe të parandalojë viktima të mëtejshme civile.
Të dielën, sekretari i Shtetit, Marco Rubio, ka folur me Netanyahun dhe presidentin libanez, Joseph Aoun. Sipas një zyrtari amerikan, ai propozoi që, si hap i parë, zyrtarët libanezë duhet të ushtrojnë presion mbi Hezbollahun që të ndalojë sulmet e tij ndaj Izraelit dhe se, në këmbim, Izraeli do të përmbahet nga përshkallëzimi në Bejrut.
Zyrtari ka shtuar se kjo do të krijonte hapësirë për një de-përshkallëzim gradual dhe një ndërprerje efektive të armiqësive.
Kjo ndodhi pasi trupat izraelite që pushtuan Libanin jugor kaluan lumin Litani për të pushtuar Kështjellën 900-vjeçare Beaufort, e cila ndodhet në majë të një kreshte strategjikisht të rëndësishme.
Ministri izraelit i Mbrojtjes, Israel Katz, ka thënë se fushata e tyre "nuk kishte mbaruar" dhe se ata ishin "të vendosur të shtypnin pushtetin e Hezbollahut".
Kryeministri libanez, Naëaf Salam, ka akuzuar Izraelin të shtunën se po ndiqte një "politikë të tokës së djegur dhe ndëshkimit kolektiv".
Libani është përfshirë në luftën midis SHBA-së, Izraelit dhe Iranit më 2 mars, kur Hezbollahu lëshoi raketa në Izrael në hakmarrje për një sulm izraelit që vrau udhëheqësin suprem të Iranit. Izraeli u përgjigj me një fushatë ajrore në të gjithë Libanin dhe një pushtim tokësor.
Të paktën 3,371 njerëz janë vrarë në Liban që nga fillimi i luftës, sipas ministrisë së Shëndetësisë të vendit.
Izraeli thotë se 24 nga ushtarët e tij dhe katër civilë izraelitë janë vrarë gjatë së njëjtës periudhë në të dy anët e kufirit.