-
Përktheu:
Flutura Gashi-Mehmeti
- 22 gusht 2024 20:40
- Shpërndaje në:
Rregullatorët amerikanë kanë miratuar vaksinat e përditësuara të COVID-19 të enjten, të krijuara për të goditur më mirë tipat e fundit të virusit dhe me shpresën për të shënjestruar çfarëdo varianti që mund të shkaktojë telashe edhe këtë dimër.
Me lejen e Administratës së Ushqimit dhe Barnave, Pfizer dhe Moderna do të fillojnë të dërgojnë miliona doza, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVendimi vjen pasi një vale verore e virusit vazhdon në pjesën më të madhe të SHBA-së. Në fillim të kësaj vere, Qendrat për Kontrollin dhe Parandalimin e Sëmundjeve rekomanduan që të gjithë, të rriturit dhe fëmijët, duke filluar nga mosha 6-muajshe, të marrin vaksinën këtë vjeshtë. Vaksinimet mund të jenë të disponueshme brenda disa ditësh.
Ndonëse shumica e amerikanëve kanë njëfarë imuniteti nga infeksionet ose vaksinimet e mëparshme ose të dyja, kjo mbrojtje zbehet. Dozat e vjeshtës së kaluar synuan pjesë të ndryshme të pemës familjare të koronavirusit, dhe të dhënat e CDC-së tregojnë se vetëm rreth 22.5% e të rriturve dhe 14% e fëmijëve e morën atë.
“Kemi synuar variantet që shohim që qarkullojnë në këtë vend dhe në mbarë botën tani”, ka thënë Dr. Robert Hopkins i Fondacionit Kombëtar për Sëmundjet Infektive.
Dozat e Pfizer dhe Moderna synojnë një nëntip të quajtur KP.2 që ishte i zakonshëm në fillim të këtij viti.
Një zëdhënës i Pfizerit ka thënë se kompania ia dorëzoi të dhënat FDA-së që tregonin se vaksina e saj e përditësuar "ofron një përgjigje të përmirësuar thelbësisht" kundër nënllojeve të shumta të virusit në krahasim me vaksinën e vjeshtës së kaluar.