Mijëra demonstrues kanë marshuar nëpër rrugët e Minneapolisit pavarësisht temperaturave jashtëzakonisht të ulëta për të kërkuar fundin e masave të ashpra të presidentit amerikan, Donald Trump, kundër imigracionit.
Marshimi filloi me temperatura deri në minus 29 gradë. Organizatorët thanë se deri në 50,000 njerëz morën pjesë në demonstratë.
Organizatorët dhe pjesëmarrësit thanë se dhjetëra biznese në të gjithë Minnesotën u mbyllën të premten si pjesë e protestës që kërkon largimin e agjentëve të imigracionit, të cilën organizatorët e cilësuan si grevë të përgjithshme.
Shumë qytetarë kanë protestuar dhe marshuar në rrugë, të cilat pasuan javë të tëra konfrontimesh, ndonjëherë edhe të dhunshme midis agjentëve të Imigracionit dhe Doganave të SHBA-së (ICE) dhe protestuesve që kërkojnë nga Trumpi largimin e agjentëve të imigracionit.
Vetëm një ditë më parë, zëvendëspresidenti i SHBA-së JD Vance vizitoi Minneapolisin në shenjë mbështetjeje për agjentët e ICE-së dhe për t'u kërkuar udhëheqësve dhe aktivistëve lokalë të ulnin tensionet, duke thënë se ICE po kryente një mision të rëndësishëm për të ndaluar shkelësit e imigracionit.