Presidenti francez, Emmanuel Macron, i është përgjigjur sulmeve të sotme në Gaza, përkatësisht në spitalin Nasser.
Ai i ka quajtur ato “të patolerueshme”, duke nënvizur se civilët dhe gazetarët “duhet të mbrohen në të gjitha rrethanat”.
“Media duhet të jetë në gjendje të kryejë misionin e saj lirisht dhe në mënyrë të pavarur për të mbuluar realitetin e konfliktit. Ndihma humanitare duhet të kthehet. Ne i bëjmë thirrje Izraelit të respektojë ligjin ndërkombëtar”, ka deklaruar Macron.
Ai është në mesin e disa udhëheqëseve ndërkombëtarë që iu përgjigjën sulmit deri më tani.
Ministria e jashtme e Gjermanisë ka thënë se është “e tronditur” nga vrasja e disa gazetarëve, punonjësve të shpëtimit dhe civilëve të tjerë. Ka bërë thirrje që sulmi të hetohet.