Presidenti francez, Emmanuel Macron e sheh ndërhyrjen e SHBA-së në Venezuelë si shkelje të "së drejtës ndërkombëtare”, ka bërë të ditur të hënënzëdhënësja e qeverisë franceze, Maud Bregeon.
Bregeon u tha gazetarëve se "metoda e përdorur nuk mbështetet dhe as nuk miratohet" pasi forcat amerikane kapën presidentin venezuelian, Nicolas Maduro, gruan e tij dhe i transportuan ata me aeroplan për në New York.
Bregeon, e cila i bëri komentet e saj pas një takimi të kabinetit francez në Paris, ka thënë se Macroni e pa rrëzimin e Maduros si "lajm të mirë për venezuelianët", duke shpresuar që tranzicioni politik do të udhëhiqet nga Edmundo González Urrutia, kandidati i opozitës i cili pretendon se ka fituar zgjedhjet e vitit 2024.
Bregeon ka përmendur gjithashtu marrëveshjen tregtare BE-Mercosur që Franca dhe të tjerët refuzuan ta nënshkruanin në fund të vitit të kaluar, duke thënë se marrëveshja mbeti "një marrëveshje e keqe".