Një ngjarje e pazakontë i ka ndodhur presidentit francez, Emmanuel Macron, në New York, të hënën në mbrëmje, ku po zhvillohet Asambleja e Përgjithshme vjetore e OKB-së.
Macroni është përballur me një ndalesë të papritur në rrugë për shkak të bllokadës policore që është ngritur derisa po lëvizte eksorta e presidentit amerikan, Donald Trump.
Sipas raportimeve, policia lokale ndaloi përkohësisht presidentin Macron dhe mbrojtjen e tij derisa po dilte nga ndërtesa e OKB-së, ku e njoftoi edhe njohjen e shtetit palestinez nga Franca.
Ky veprim, ndonëse ndodhi në kontekstin e masave të rrepta të sigurisë që karakterizojnë vizitat e liderëve botërorë në SHBA, nuk kaloi pa një moment interesant.
“Më falni, zoti President, gjithçka është e mbyllur, qarkullimi është ndalur kudo”, i shpjegoi një oficer policie Macronit, i cili u habit.
I befasuar nga situata, Macroni vendosi të thërrasë vetë Donald Trumpin. Me shaka ai i kërkoi Trumpit që të “hapë rrugë”.
“Merrni me mend, po pres në rrugë sepse gjithçka është ndalur për ju”, u dëgjua t’i thotë Trumpit ai në telefon.
New York police stopped Macron’s motorcade to let Trump pass
In New York, police stopped the French president’s motorcade as the road was closed for Trump’s passage. Macron got out of the car, called Trump, and jokingly asked him to “clear the way.” pic.twitter.com/qO170xUpy5— Visegrád 24 (@visegrad24) September 23, 2025