Linja ajrore gjermane Lufthansa do të shkurtojë 20,000 fluturime të distancave të shkurtra gjatë verës, pasi ka deklaruar se çmimet e larta të karburantit i kanë bërë shumë udhëtime “jofitimprurëse” për kompaninë.
Çmimi i karburantit është dyfishuar nga lufta SHBA-Izrael me Iranin derisa konflikti ka ngadalësuar prodhimin dhe transportimin në Lindjen e Mesme, raportoi BBC.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDisa linja ajrore, përfshirë KLM të Francës dhe Deltan, po ashtu përkohësisht kanë ndërprerë disa fluturime derisa të tjerat kanë rritur çmimet e biletave.
Analistët kanë paralajmëruar se udhëtarët duhet të presin rritje të mëtejme të çmimeve të biletave dhe anulime fluturimesh.
Gjiri Persik është burim gjigant i karburantit të aeroplanëve, me rreth 50% të importeve në Evropë. Ai vjen përmes Ngushticës së Hormuzit, të cilën Irani e ka mbyllur për shkak të sulmeve të SHBA-së dhe Izraelit.
Agjencia Ndërkombëtare e Energjisë javën e kaluar paralajmëroi se Evropa mund të ketë probleme me karburantit në javët në vijim.
Lufthansa lajmëroi se po ndërpret rrjetin e saj evropian, por se do të vazhdojë me fluturimet nëpër botë, veçanërisht ato të gjatat. Sipas kompanisë, 120 fluturimet e para janë larguar të martën. Në to përfshihet fluturimet nga Frankfurti në Poloni dhe Norvegji.