Sot janë bërë katër vjet, që kur në orët e para të mëngjesit, ukrainasit nisën të zgjoheshin nën alarmet e nisjes së pushtimit të plotë rus.
Në Kiev pati eksplodime të shumta. Sulmi, për të cilin pati paralajmërime të vazhdueshme nga Shtetet e Bashkuara të Amerikës, veçse kishte nisur.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDita shokuese, që e zhyti Evropën në konfliktin më të rëndë që nga Lufta e Dytë Botërore, shënon sot katërvjetorin.
Ngjarje përkujtimore planifikohen në vene si Bucha, ku ushtarët rus kryen masakra mbi civilët ukrainas. Liderë e politikanë nga e gjithë Evropa pritet ta vizitojnë Kievin gjatë ditës.
Të paktën 55 mijë ushtarë ukrainas janë vrarë që nga 22 shkurti 2022, sipas Zelenskyt. Megjithatë, BBC ka raportuar se numri mund të jetë deri në 200 mijë.
Po ashtu BBC ka konfirmuar më shumë se 180 mijë emrat e të vrarëve nga pala ruse. Por shumë vdekje nuk janë regjistruar në terren dhe numri mund të jetë shumë më i lartë.
Teksa ukrainasit po e përballojnë një prej dimrave më të vështirë ndonjëherë, ka ndjenjë lodhjeje se lufta ka zgjatur shumë, por edhe vendosmëri që të mos dorëzohen.
Një tjetër rund bisedimesh pritet të mbahet – me gjasë të enjten në Gjenevë.
Si ishin ditët e para të luftës në Ukrainë?
Photo: Associated Press
Më 24 shkurt 2022 kishte nisur pushtimi i Ukrainës në shkallë të gjerë nga Rusia. Frika veçse ishte e pranishme prej muajsh.
Më 18 shkurt, Shtetet e Bashkuara të Amerikës kishin paralajmëruar se mes 169 mijë deri 190 mijë trupa ruse janë mbledhur në kufijtë e Ukrainës.
Më 21 shkurt, Moska zyrtarisht shpalli dy rajonet e Ukrainës lindore – Donetskun dhe Luhanskun si shtete të pavarura. Trupat ruse veçse ishin të vendosura aty, ndërsa Vladimir Putini i ka cilësuar “qëllime paqeruajtëse”.
Në orët e para të 24 shkurtit, Putini njoftoi për “operacion ushtarak” në Donbas. Në një paraqitje televizive ai i kërkoi ushtrisë ukrainase t’i ulë armët.
Forcat ruse më pas lansuan sulm të madh tokësor, ajror e detar në Ukrainë, fillimisht duke sulmuar infrastrukturën ushtarake ukrainase e njësitet kufitare.
Forcat ukrainase më pas njoftuan se e kanë kaluar kufirin në Kharkiv, Luhansk si dhe kanë hyrë nga Krimeja, por edhe nga Bjellorusia.
Shpërthimet ndodhën në dhjetëra qytete, përfshirë Kievin e Kharkivin.
Më 25 shkurt, tanket ruse u filmuan duke hyrë në Kiev për herë të parë, teksa qyteti përballej me sulme të njëpasnjëshme q lënduan civilë.
Deri në këtë pikë, dhjetëra mijëra ukrainas veçse kishin ikur në drejtim të disa shteteve në perëndim të Ukrainës. Shifra mbërriti në gjysmë milioni njerëz deri më 28 shkurt.
Zelensky lut Trumpin të qëndrojë me Ukrainën
Photo: Associated Press
Volodymyr Zelensky, presidenti ukrainas, e ka lutur presidentin amerikan, Donald Trump, që të qëndrojë në anën e Ukrainës, teksa ky shtet shënon katërvjetorin e nisjes së pushtimit të plotë nga Rusia.
Duke folur për CNN-in nga Kievi, Zelensky ka thënë se mendon se lideri amerikan dhe ekipi i tij “e duan fundin e luftës”.
I pyetur se çka dëshiron të dëgjojë nga adresimi i Trumpit të martën, Zelensky ka thënë shkurt: “Dua që ai të qëndrojë në anën tonë”.
Lideri ukrainas ka thënë po ashtu se ka komunikim të mirë me palën amerikane në negociatat me Rusinë.
Zelensky: Putini s’i ka arritur qëllimet. Nuk e ka thyer Ukrainën
Photo: Associated Press
Presidenti i Ukrainës, Volodymyr Zelensky, ka thënë se Vladimir Putini i Rusisë ka dështuar që ta thyejë Ukrainën kur e ka nisur pushtimin katër vjet më parë.
“Sot bëhen fiks katër vjet qëkur Putini e nisi shtytjen e tij treditëshe për ta marrë Kievin”, ka shkruar ai në një mesazh në Telegram. “Dhe kjo do të thotë shumë për rezistencën tonë, për mënyrën se si Ukraina ka luftuar gjatë gjithë kësaj kohe”.
Zelensky ka thënë se prapa këtyre fjalëve “qëndrojnë miliona njerëz, guxim, punë e pareshtur, këmbëngulje e rruga e gjatë që Ukraina e ka bërë që prej 24 shkurtit 2022”.
“Duke kthyer kohën pas në fillim të sulmit dhe duke reflektuar mbi të sot, ne kemi të drejtë të themi: Ne e kemi mbrojtur pavarësinë tonë, nuk e kemi dorëzuar shtetësinë. Putini s’ia ka arritur qëllimet. Ai nuk i ka thyer ukrainasit. Ai nuk e ka fituar këtë luftë”, ka shtuar Zelensky.