Tregjet e parashikimeve i lejojnë njerëzit të vënë baste për çdo gjë, nga një ndeshje basketbolli e deri te rezultati i zgjedhjeve presidenciale, e së fundi, edhe për rënien e ish-presidentit të Venezuelës, Nicolas Maduro, shkruan agjencia “AP”.
Kjo e fundit ka sjellë vëmendjen te tregjet e parashikimeve. Javën e kaluar, një tregtar anonim futi në xhep mbi 400 mijë dollarë pasi kishte vënë bast se Maduro së shpejti do të largohej nga detyra.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPjesa më e madhe e ofertave që tregtari kishte vënë në platformën “Polymarket” u bënë vetëm disa orë para se presidenti i SHBA-së, Donald Trump, papritmas të njoftonte aksionin befasues në natën e 3 janarit që çoi në kapjen e Maduros. Kjo nxiti dyshime për informata të brendshme, për shkak të kohës së basteve. Të tjerët argumentuan se rreziku i kapjes ishte tepër i madh dhe spekulimet e mëparshme rreth të ardhmes së Maduros mund të kenë çuar te transaksione të tilla.
Polymarket s’ka komentuar këtë ngjarje.
Përdorimi i tregjeve të parashikimeve është rritur dukshëm vitet e fundit, duke u hapur derën njerëzve që të vënë bast paratë e tyre mbi probabilitetin e një liste në rritje të ngjarjeve të ardhshme.