Kancelari i Gjermanisë, Friedrich Merz, ka mbërritur në Kinë, teksa bizneset gjermane po japin alarmin për një pabarazi të thellë tregtare.
Importet në Gjermani nga Kina ishin më shumë se dyfishi i vlerës së eksporteve gjermane drejt Kinës vitin e kaluar, sipas statistikave federale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne duam një partneritet me Kinën që është i balancuar, i besueshëm, i rregulluar dhe i drejtë”, ka thënë Merz para nisjes për në Pekin.
Merz pritet gjithashtu t’i bëjë presion Kinës që të përdorë ndikimin e saj ndaj Moskës për të ndihmuar në përfundimin e luftës në Ukrainë. Megjithatë, hendeku i madh tregtar mbetet çështja kryesore në këto bisedime, ndërsa kancelari shoqërohet nga një delegacion i madh biznesi.
Kina zuri sërish vendin e parë si partneri më i madh tregtar i Gjermanisë në vitin 2025, duke lënë pas SHBA-në.
Por pas këtij titulli fshihet një pabarazi e fortë dhe shqetësuese për Gjermaninë, ekonominë më të madhe të BE-së.
Në vitin 2025, mallra me vlerë 170.6 miliardë euro hynë nga Kina në Gjermani, duke shënuar një rritje vjetore prej 8.8%, ndërsa eksportet gjermane drejt Kinës kanë rënë me 9.7% në 81.3 miliardë euro.
Marrëdhënia tregtare me Kinën “po gërryen thelbin e industrisë gjermane, veçanërisht në sektorët e veturave, makinerive dhe kimikateve”, ka paralajmëruar Jürgen Matthes nga Instituti Gjerman për Ekonominë (IË).