-
Përktheu:
Flutura Gashi-Mehmeti
- 26 prill 2024 14:19
- Shpërndaje në:
Kreu i Parlamentit të Vietnamit, Voung Dinh Hue, ka dhënë dorëheqjen, sipas mediave shtetërore, duke e bërë atë zyrtarin e fundit të lartë që ka lënë detyrën në mes të një fushate të vazhdueshme kundër korrupsionit.
Dorëheqja e kryetarit të Asamblesë Kombëtare, Dinh Hue shton paqëndrueshmërinë në rritje në vend, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPresidenti Vo Van Thuong dha dorëheqjen në mars - pak më shumë se një vit pasi presidenti i mëparshëm, Nguyen Xuan Phuc, dha dorëheqjen për të marrë përgjegjësinë politike për skandalet e korrupsionit gjatë pandemisë.
“Kjo gjithashtu thekson pasigurinë ekstreme në një mjedis politik që shpesh mburret me stabilitetin e tij, pasi tre liderë të lartë janë larguar në vetëm një vit”, ka thënë Nguyen Khac Giang, një analist në Institutin ISEAS-Yusof Ishak të Singaporit.
Dorëheqja e Hue erdhi disa ditë pasi ndihmësi i tij Pham Thai Ha u arrestua me akuzën e abuzimit të pozitës dhe pushtetit për përfitime personale më 21 prill, sipas medias shtetërore VN Express.
Raportet fillestare nuk thanë se Hue ishte i implikuar në korrupsion, por vunë në dukje se hetuesit zbuluan se lideri parlamentar kishte “shkelur rregulloret e Partisë dhe shkeljet e tij kanë ndikuar në reputacionin e Partisë, të Shtetit dhe të tij”.
Partia Komuniste e Vietnamit pranoi atë që e quajti një dorëheqje vullnetare nga Hue, sipas VN Express.
Hue, 67 vjeç, kishte qenë kryetar i asamblesë kombëtare të Vietnamit për më shumë se tre vjet. Kjo e bëri atë politikanin e katërt më të rëndësishëm në Vietnam, së bashku me presidentin, kryeministrin dhe kreun e Partisë Komuniste.